HamroClass Preloader

LAND AND TITLES HIGH COURT (FAAMASINOGA MAUALUGA)

Objective

Appeal applications are lodged and heard in this Court only by the President and decisions of this court determine cases for the Court of Appeal and Review.

FAAGASOLOGA O GALUEGA MO LE FAAMASINOGA O TALOSAGA TOE ILOILO

Taiala o Galuega Faatino mo le Faamasinoga o Apili (Talosaga Toe Iloilo)

1.1 Afai ua  tauaaoina se tusi talosaga mai a se itu Faamasinoga mo ni aso faaopoopo e   tapena mai ai se talosaga apili.

1.2      Siaki le talosaga poo talafeagai ma manaomiaga o le Tulafono.

1.3      Ia saini e lē ana le talosaga ma faamau le numera o le telefoni poo se isi auala o   fesootaiga e mafai ona toe fesootai ai.

1.4      Afai ua talafeagai le aso ona lolomi lea o le faailoga (Stamp Received) ua taulimaina e le Ofisa le talosaga.

1.5      Pu’e se kopi o le talosaga ma ave le kopi mo lē ana le talosaga ae tuu le kopi muamua   mo le Ofisa.

1.6      Tuu le tusi talosaga I le pusa meli mo le tuuina atu I le Resitara mo se finagalo o le   Peresetene.

1.7     Afai ua toe foi mai le tusi talosaga mai le Peresetene ona logo lea o lē ana le talosaga I le finagalo o le Peresetene pe talia le talosaga pe teena lana talosaga.

1.8      Ia vave fesootai lē ana le talosaga I le telefoni ma faamau se tusitusiga I le faila ua maea  ona logo lē ana le talosaga.

1.9     Ia tapena se tusi aloaia (Faaopopo A) e logo ai lē ana le talosaga i le finagalo o le   Peresetene, e aofia ai ma le aofaiga o kopi o le talosaga e tapena mai faatasi ma le totogi  e $200.00 tala o le talosaga.

1.10    Ia faapipii I le tusi se risiti (Faaopopo E) e faasaini ai lē ana le talosaga ua ia taulimaina  le  finagalo o le Peresetene.

1.11   Ia faamau le tusi I le api meli ma tuuina atu I le Vaega o Tusi Saisai mo le kilivaina.

1.12    Ia saini se sui o le vaega o Tusi Saisai e faamaonia ua taunuu ia latou le tusi.

2.1       Afai ua tauaaoina mai le talosaga apili ia saili mai le faila o le mataupu e fitoitonu i ai le talosaga apili .

2.2      Siaki le aso na lauina ai le Faaiuga ma le aso ua taunuu mai ai le Talosaga Apili poo talafeagai ma aso e 21 e tusa ma le Tulafono.

2.3     Afai o loo talafeagai ma le 21 aso ona lolomi (stamp received) lea ma saini ai le suafa o le ua taulimaina talosaga apili.

2.4 Totogi le $200.00 i le kesia ma tusi le numera o le risiti ma le aofai o le togigatupe i luga o talosaga apili.

2.5 Siaki talosaga poo ua maea ona saini ma le aofai o kopi e manaomia. Faataitaiga: Afai e lima itu o se mataupu, e ao ona tapena mai e lē o loo apili ni kopi se fitu (7) o lana  talosaga apili. O kopi e fa (4) e ave mo le silafia e isi itu Faamasinoga, o kopi e tolu (3)   mo tapenaga ma faamaumauga  a le Ofisa ma e ao I le ofisa ona tuuina kopi o apili o loo   totoe I totonu o le faila o le mataupu.

2.6 Faafoi le risiti ma se kopi o le talosaga apili ua uma ona lolomi (stamp received) I le e ana   le talosaga.

2.7 Afai ua sili atu aso nai lo aso faatulafonoina, ona siaki lea pe na iai se faatagana mai le   Peresetene mo aso faaopoopo e tapena ai le apili.

2.8 Afai o loo iai ona siaki lea pe o talafeagai le aso ua taunuu mai ai le talosaga apili ma se  finagalo o le Peresetene.

2.9 Afai ua talafeagai ma le finagalo o le Persetene ona faatino lea o le sitepu, 2.3, 2.4, 2.5 ma le 2.6.

2.10   E lē taliaina se faauluga o se talosaga apili pe a le tusa ai ma vaega ua faamatalaina atu i luga.

2.11  Faamau le talosaga apili I le api resitala ma tuu I le database 

3.1 Ia saunia tusi (Faaopopo O) e logo ai itu faamasinoga uma na auai i le suesuega o le mataupu I le Faamasinoga o Uluai Suesuega I le talosaga apili ua faaulu mai.

3.2 Ia faapipii I le tusi le talosaga apili  ma le risiti (Faaopopo U )e saini ai le o  ave iai le talosaga apili (Faaopopo F) mo sa latou tali mai.

3.3 Ia faamau I le api meli le tusi ma tuuina atu I le Vaega o Tusi Saisai mo le kilivaina.

3.4 Ia saini le sui o le vaega o Tusi Saisai ua latou taulimaina le tusi.

4.1 A taunuu mai le tali tetee faasaga i le talosaga apili ona siaki lea o le risiti o le kilivaina o le talosaga apili poo talafeagai ma le 21 aso na taulimaina/saini ai e lē ana le tali tetee le  talosaga apili e tusa ma le aso ua tauaaoina ai e le Ofisa le tali tetee.

4.2 Afai ua tuanai aso e 21 ona teena lea o le tali tetee, afai o loo talafeagai aso 21 ona talia lea o le tali tetee.

4.3 Ia lolomi (stamp received) le tali tetee,ma ia saini le ofisa  I luga o tali tetee i le vaega o loo iai le aso e faailoa ai ua taunuu mai I le ofisa.

4.4 Ia saunia le tusi (Faaopopo G)e logo ai le itu talosaga apili e tusa ma le tali tetee.

4.5 Ia faapipii I le tusi se risiti (Faaopopo L) e saini ai le e agai iai le talosaga apili.

4.6 Ia faamau I le api meli le tusi ma tuuina atu I le Vaega o Tusi Saisai mo le kilivaina.

4.7 Ia saini le sui o le vaega o Tusi Saisai ua latou taulimaina le tusi.

4.68Ia faamau le tali tetee I le api ma le database.

5.1 Afai ae taunuu mai le tali tetee faaiu a lē ana le talosaga apili ona siaki lea o le risiti o le  kilivaina o le tali tetee poo talafeagai ma le 21 aso na taulimaina/saini ai e lē ana le  talosaga apili  le tali tetee e tusa ma le aso ua taunuu mai ai le tali tetee faaiu.

5.2 Afai ua tuanai aso e 21 ona teena lea o le tali tetee faaiu, afai o loo talafeagai aso 21 ona  talia lea o le tali tetee faaiu.

5.3 Ia lolomi (stamp receive) le aso na taunuu mai ai le tali tetee faaiu ma ia saini le sui o le vaega o apili le tali tetee I luga o le vaega o loo iai le aso e faailoa ai ua taunuu mai I le  ofisa.

5.4 O le tali tetee faaiu e le toe tufaina I se itu ae tuu I le faila mo le Faamasinoga.

6.1 Afai ua toe faafoi mai e le Vaega o Tusi Saisai risiti o le kilivaina o Talosaga Apili ma Tali Tetee, ma risiti o samani sa logoina ai itu o le mataupu mo le faatulagaina poo le tolopoina o le mataupu ona saini lea o le api resitara e faamaonia ai ua taunuu mai risiti nei.

6.2  Ia tapā mai le vaega o faamaumauga faila o mataupu e faasino iai risiti ma faamau I totonu o le faila mo fetusiaiga.

7.1 Afai ua faatulaga se aso e iloilo ai le talosaga apili I luma o le Faamasinoga ma le Peresetene, ia tapena le faila o le mataupu ma tuuina atu I le Peresetene I le tasi le vaiaso mai le aso o le iloiloga.

7.2 Ia faatulaga faamaumauga o loo I totonu o le faila I le faatulagana ua maea ona taliaina e  le Peresetene. (Faapipii atu le kopi o le faatulagana Faaopopo M)

7.3 Ia mautinoa ua I totonu o le faila kopi o risiti o samani sa samania ai itu o le mataupu ina  ia auai I le iloiloga.

  1. Mo alii e tatau ona laei le ie faitaga ma le ofutino paepae ma le fusia
  2. Mo tamaitai e tatau ona laei le puletasi